એક જંગલ હતું. એમાં ત્રણ રીંછ રહેતાં હતાં. એક મોટું ,એક વચલું અને એક નાનકુંક .એમણે એક ઘર જોયું.એમને થયું,આપણે પણ ઘર બનાવીએ. લાકડાં કાપ્યાં,માટી લીધી,પાણા લીધા. એક ઘર બનાવ્યું.લાકડાનું ઘર બનાવ્યું.એમાં બે ઓરડાં કર્યાં. એક રસોડું કર્યું.એક ઓરડામાં ત્રણ ખાટલા મૂક્યા.એક મોટો,બીજો વચલો અને ત્રીજો નાનકોક.બીજા ઓરડામાં ત્રણ ટેબલ મૂક્યાં.એક મોટું,બીજું વચલું અને ત્રીજું નાનકુંક. ટેબલ પાસે ત્રણ ખુરશી મૂકી.એક મોટી,બીજી વચલી,ત્રીજી નાનકીક,ટેબલ ઉપર વાટકા મૂક્યાં.એક મોટો ,બીજો વચલો અને ત્રીજો નાનો.વાટકામાં ત્રણ ત્રણ ચમચા મૂક્યાં.એક મોટો ,બીજો વચલો અને ત્રીજો નાનો. રીંછ કહે રસોઇ કરીએ,રસોડામાં રસોઇ કરી.રાબ બનાવી.ગોળ નાખીને રાબ બનાવી.ગળી ગળી રાબ બનાવી.રાબને વાટકામાં નાંખી વાટકા ટેબલ ઉપર મૂક્યા.પછી કહે,રાબ ગરમ છે,બહુ ગરમ છે.ચાલો,જરા ફરી આવીએ,પછી ખાશું. ત્રણ રીંછ ફરવા ગયા.ટપ ટપ ટપ કરતાં ફરવા લાગ્યા. બાજુમાં એક ઘર હતું.એમાં એક નાની છોકરી રહેતી હતી.એ ફરવા નીકળી.એણે રીંછનું ઘર જોયું. એ કહે,ચાલો ને ,રીંછભાઇ સાથે રમવા જઇએ.ઘર આગળ જઇ કહે,બારણું ઉઘાડો, બારણું ઉઘાડો.પણ કોણ ઉઘાડે? અંદર તો કોઇ ન હતું.છોકરીએ બારણાને ધક્કો માર્યો.બારણું ઉઘડી ગયું.છોકરી અંદર ગઇ.
પહેલાં ઓરડામાં ખાટલા હતા.ખાટલા માથે ગાદલાં હતાં.ગાદલાં માથે ઓછાડ હતાં.ઓશીકાં પણ હતાં.ઓઢવાની ચાદર હતી.છોકરી કહે ચાલો,ખાટલા ઉપર ચડીએ.ભાઇ,આ તો બહુ મોટો ખાટલો.આના પર કેમ ચડાય?આ યે મોટો આના ઉપર ન ચડાય.આ નાનકોક છે.આ મારો ખાટલો. ચાલો,બીજા ઓરડામાં જોઇએ.જોઇએ તો ખરા. છોકરી બીજા ઓરડામાં ગઇ.એમાં ત્રણ ટેબલ,ત્રણ ખુરશી.ભઇ,આ તો બહુ મોટી ખુરશી.આના ઉપર ન ચડાય.આ યે મોટી. ના નાનકીક છે.ચાલો ખુરશી ઉપર બેસીએ. છોકરી બેઠી.આ શું છે? આ તો રાબ લાગે છે. લાવો ખાઇએ. છોકરીએ ચમચો લીધો.ચમચામાં રાબ લીધી.ખાધી.ગળી-ગળી,સરસ લાવો ખાઇએ. આ તો ભાવે,છોકરી બધી રાબ ખાઇ ગઇ.હાશ, હવે જરા આરામ કરીએ.
પહેલાં ઓરડામાં ગઇ.નાનકોક ખાટલો હતો ને?એમાં સૂઇ ગઇ.ઓઢીને સૂઇ ગઇ. ત્યાં તો રીંછ પાછા આવ્યા.ફરીને પાછા આવ્યાં.ટપ ટપ ટપ કરતાં પાછાં આવ્યાં. ચાલો ચાલો,ભૂખ લાગી છે.રાબ ખાઇએ. ખુરશીમાં બેઠાં.મોટું કહે,આ ટેબલ કોણે હલાવ્યું?વચલું કહે મારા ટેબલને કોણ અડ્યું છે?નાનું કહે,મારી રાબ કોણ ખાઇ ગયું?એણે તો બૂમ પાડી.બોલો રાબ કોણ ખાઇ ગયું? છોકરી જાગી ગઇ.જુએ તો રીંછ. રીંછ બૂમ પાડે છે.છોકરી બોલી,ભાગો,ભાગો,બારીમાંથી કૂદીને ભાગી. રીંછ જોઇ ગયું.પાછળ દોડ્યું.બારણું ઉઘાડો,બારણું ઉઘાડો,તમારી છોકરી મારી રાબ ખાઇ ગઇ છે.એને મારવી છે.બા કહે,અરે રીંછભાઇ,બહેનને મરાય? એ તો તમારી સાથે રમવા આવી હતી.તમે ન હતા.ભૂખી હતી,તે રાબ ખાધી.તમારી સાથે રમવા ન આવે? રીંછ કહે,એમ! મારી સાથે રમવા આવી હતી? ભલે આવે.તો તો મને ગમે.અમે સાથે રમીએ,અમે સાથે જમીએ,કેવી મજા ! ભલે તો આવજો. છોકરી કહે,આવજો રીંછભાઇ! હું રમવા આવીશ. આવજો,આવજો.
- ડોલરરાય માંકડ
પહેલાં ઓરડામાં ખાટલા હતા.ખાટલા માથે ગાદલાં હતાં.ગાદલાં માથે ઓછાડ હતાં.ઓશીકાં પણ હતાં.ઓઢવાની ચાદર હતી.છોકરી કહે ચાલો,ખાટલા ઉપર ચડીએ.ભાઇ,આ તો બહુ મોટો ખાટલો.આના પર કેમ ચડાય?આ યે મોટો આના ઉપર ન ચડાય.આ નાનકોક છે.આ મારો ખાટલો. ચાલો,બીજા ઓરડામાં જોઇએ.જોઇએ તો ખરા. છોકરી બીજા ઓરડામાં ગઇ.એમાં ત્રણ ટેબલ,ત્રણ ખુરશી.ભઇ,આ તો બહુ મોટી ખુરશી.આના ઉપર ન ચડાય.આ યે મોટી. ના નાનકીક છે.ચાલો ખુરશી ઉપર બેસીએ. છોકરી બેઠી.આ શું છે? આ તો રાબ લાગે છે. લાવો ખાઇએ. છોકરીએ ચમચો લીધો.ચમચામાં રાબ લીધી.ખાધી.ગળી-ગળી,સરસ લાવો ખાઇએ. આ તો ભાવે,છોકરી બધી રાબ ખાઇ ગઇ.હાશ, હવે જરા આરામ કરીએ.
પહેલાં ઓરડામાં ગઇ.નાનકોક ખાટલો હતો ને?એમાં સૂઇ ગઇ.ઓઢીને સૂઇ ગઇ. ત્યાં તો રીંછ પાછા આવ્યા.ફરીને પાછા આવ્યાં.ટપ ટપ ટપ કરતાં પાછાં આવ્યાં. ચાલો ચાલો,ભૂખ લાગી છે.રાબ ખાઇએ. ખુરશીમાં બેઠાં.મોટું કહે,આ ટેબલ કોણે હલાવ્યું?વચલું કહે મારા ટેબલને કોણ અડ્યું છે?નાનું કહે,મારી રાબ કોણ ખાઇ ગયું?એણે તો બૂમ પાડી.બોલો રાબ કોણ ખાઇ ગયું? છોકરી જાગી ગઇ.જુએ તો રીંછ. રીંછ બૂમ પાડે છે.છોકરી બોલી,ભાગો,ભાગો,બારીમાંથી કૂદીને ભાગી. રીંછ જોઇ ગયું.પાછળ દોડ્યું.બારણું ઉઘાડો,બારણું ઉઘાડો,તમારી છોકરી મારી રાબ ખાઇ ગઇ છે.એને મારવી છે.બા કહે,અરે રીંછભાઇ,બહેનને મરાય? એ તો તમારી સાથે રમવા આવી હતી.તમે ન હતા.ભૂખી હતી,તે રાબ ખાધી.તમારી સાથે રમવા ન આવે? રીંછ કહે,એમ! મારી સાથે રમવા આવી હતી? ભલે આવે.તો તો મને ગમે.અમે સાથે રમીએ,અમે સાથે જમીએ,કેવી મજા ! ભલે તો આવજો. છોકરી કહે,આવજો રીંછભાઇ! હું રમવા આવીશ. આવજો,આવજો.
- ડોલરરાય માંકડ
